Ысык-Көл облустук прокуратурасы тарабынан баасы 100 млн сомдон ашкан 10 га жер мамлекеттин менчигине кайтарылды. 

Прокурордук текшерүүнүн жүрүшүндө, Ысык-Көл районунун Кара-Ой айыл өкмөтүнүн 1999-жылдын 31-мартындагы токтому менен Кара-Ой айылындагы «Каухар» пансионатына жакын жайгашкан 10 га жер тилкеси мыйзам бузуу жолу менен Ш.Э. аттуу жарандын жеке менчигине берилип кеткендиги аныкталган.

Мыйзамсыз берилген бул жер тилкесин мамлекетке кайтаруу максатында, облустук прокуратура сот органдарына доо арыздар менен кайрылып, бардык соттук инстанциялар тарабынан алар канааттандырылган. 

Прокурордук чара көрүү актысынын негизинде мыйзамсыз менчикке берилип кеткен 101 млн 641 миң сомдук 10 га жер мамлекеттин балансына кабыл алынды.