Кыргыз Республикасынын Башкы прокуратурасы тарабынан Кыргыз Республикасынын Жогорку Кеңешинин депутаты Артыкбаев Осмонбек Мамбетжановичке карата КРнын Кылмыш-жаза кодексинин 303 (коррупция) беренеси боюнча кылмыш иши козголду.

Мамлекетке ири өлчөмдө материалдык зыян келтирүү фактысы боюнча Кызыл-Кия шаарынын прокуратурасы КРнын Кылмыш-жаза кодексинин 304 (кызматтык абалынан кыянаттык менен пайдалануу), 305 (кызматтык ыйгарым укуктардан аша чабуу) жана 171 (ишенип берилген мүлктү ыйгарып алуу же төлөмөр болуу) беренелеринде каралган кылмыш белгилери боюнча кылмыш ишин козгоду.

Ички иштер органдарынын кызматкерлери үчүн көп кабаттуу үйдүн салынышы учурунда мамлекетке зыян келтирүү фактысы боюнча Ош шаарынын прокуратурасы Кыргыз Республикасынын Кылмыш-жаза кодексинин 304 (кызматтык абалынан кыянаттык менен пайдалануу) жана 221 (коммерциялык же башка уюмдардын кызматчыларынын ыйгарым укуктарын кыянаттык менен пайдаланышы) беренелеринде каралган кылмыш белгилери боюнча кылмыш ишин козгоду.

Жалал-Абад облусунун прокуратурасы тарабынан “Бишкек-Ош” автомобилдик жолунун мамлекеттик дирекциясына караштуу Жалал-Абад облустук курулуш башкармалыгынын (ЖАКБ) кызмат адамдарына карата Кылмыш-Жаза кодексинин 306 (Кыргыз Республикасынын кызыкчылыктарына каршы контракт түзүү, мамлекеттик сатып алууну жүзөгө ашыруу) жана 315 (кызматтык жасалмачылык) беренелери боюнча кылмыш иши козголду.